Qostanaıda "QR agroónerkásiptik keshenin damytý" ulttyq jobasyn iske asyrý sheńberinde sýbsıdıa retinde bólingen búdjet qarajatyn urlaýmen aınalysqan top ustaldy.

 Qarjy monıtornıg agenttiginiń málimetinshe, "BEEF EXPORT GROUP" JSHS et óńdeý kásiporny dırektorynyń basshylyǵymen uıymdasqan topqa qatysty qylmystyq is boıynsha sotqa deıingi tergeý aıaqtaldy.

  - Top uzaq ýaqyt boıy "QR agroónerkásiptik keshenin damytý" ulttyq jobasyn iske asyrý sheńberinde memleket sýbsıdıa retinde bólgen búdjet qarajatyn urlaýmen aınalysyp, memleketke 3 mlrd teńgeden astam shyǵyn keltirgen. Sotqa deıingi tergeý barysynda kúdiktiler 107 mln teńge ótedi, 3,1 mlrd teńgeniń múlkine tyıym salyndy, – deıdi vedomstvo.

   Qylmystyq sqemaǵa 49 adam tartylǵan, olardyń 13-i uıymdasqan toptyń múshesi, olarǵa sýbsıdıalardy jymqyrý, salyq tóleýden jaltarý, zańsyz kásipkerlik qyzmet, qylmystyq jolmen alynǵan múlikti zańdastyrý, laýazymdy tulǵalarǵa para berý jáne qujattardy qoldan jasady degen aıyp taǵyldy.