Jergilikti atqarýshy organdardyń kúshimen Shors, Kırpıchnyı, 3-shi Lodochnaıa, Vostochnyı jáne Podgornaıa kentteri, sondaı-aq qalanyń basqa bólikterinde sý aıdaý jumystary júrgizilgen. «Teplokomenergo» MKQK-men birlesip, ınertti materıal taratyldy.

   TJD qyzmetkerleri Krasın, Sadovaıa jáne Menjınskıı kóshelerindegi aýla aýmaqtarynan sý aıdaý jumystaryn júrgizdi. Aryq júıesin tazartý úshin TJM 68303 Á/B kúshteri men quraldary tartyldy.

  Qazir qala kóshelerinen 1 myń 500 tekshe metrden astam sý aıdaldy. Jumystarǵa JAO, TJD jáne 68303 ÁB-niń jeke quramynan 60-tan astam adam jáne 20-dan astam tehnıka jumyldyryldy. Erigen sýdy sorý jumystary aıaqtaldy, – delingen TJM habarlamasynda.

   JAO jáne TJD kúshterimen qala kóshelerindegi ahýalǵa monıtorıń júrgizilip jatyr.