Prezıdent Q.Toqaev esirtki, qumar oıyn men veıp sıaqty jaǵymsyz ádettermen kúres sharalaryn qatańdatý týraly bastama kóterdi.

Toqaev qazir parlamentte veıpterdi elge ákelgen, ony óndirgen jáne taratqan adamdardy qylmystyq jaýapkershilikke tartýdy kózdeıtin zań jobasy qaralyp jatqanyn atap ótip, lýdomanıaǵa zań júzinde shekteý qoıý qajettin, esirtki zattaryn óndiretin adamdardyń jazasyn eń aýyr qylmystarǵa teńestirý kerektigin jetkizdi.

– Biz nashaqorlyqqa jáne esirtki bıznesine qarsy kúresý úshin keshendi jospar qabyldadyq. Úkimet lýdomanıamen kúreske qatysty dál sondaı jospar qabyldaýy kerek. Qumarpazdyqqa zań júzinde shekteý qoıý qajet. «Amanat» partıasy fraksıasynyń bastamasymen osy másele boıynsha tıisti zań jobasy ázirlendi. Parlamentte qaralyp jatqan sol jobany osy sesıanyń sońyna deıin qabyldaý qajet.

Qazir esirtki satqan qylmysker qatań jazaǵa tartylady. Meniń usynysym: esirtki zattaryn óndiretin adamdardyń jazasyn barynsha qataıtý kerek. Ony eń aýyr qylmystarǵa teńestirý qajet. Parlamentti bul bastamany qoldaýǵa shaqyramyn, – dedi Toqaev ulttyq quryltaı otyrysynda.