Joǵary bilim berýdi damytý ulttyq ortalyǵy qandastardyń Qazaqstanda bilim alýyna arnalǵan stıpendıalyq baǵdarlamaǵa qujat qabyldaý bastalǵanyn habarlady. Qujattardy mamyr aıynyń sońyna deıin onlaın ótkizýge bolady. Bul týraly atalǵan ortalyqtyń saıtynda jarıalandy.

"Qurmetti úmitkerler, Qazaqstan Respýblıkasynyń Ǵylym jáne joǵary bilim mınıstrligi shetel azamattaryn, onyń ishinde Qazaqstan Respýblıkasynyń azamattary bolyp tabylmaıtyn qazaq ultynyń tulǵalaryn bakalavrıat, magıstratýra men PhD bilim berý baǵdarlamalary boıynsha joǵary oqý oryndarynda bilim alýǵa shaqyrady" delingen aqparatta.

Bul joly: Bakalavrıat – 490, Magıstratýra – 50, PhD doktorantýra – 10 grant bólinip otyr. Stıpendıalyq baǵdarlamaǵa shetel azamattary jáne shetel azamattary – Qazaqstan Respýblıkasynyń azamaty bolyp tabylmaıtyn ulty qazaq tulǵalar qatysa alady.

Sonymen qatar stıpendıa tegin bilim berý, aı saıynǵy stıpendıa tóleýdi qamtıtyn bolady.

Qujattardy qabyldaý merzimi:

• 2024 jylǵy 30 naýryzdan 31 mamyrǵa deıin

Stıpendıalyq baǵdarlamanyń operatory – QR ǴJBM Joǵary bilim berýdi damytý ulttyq ortalyǵy

Barlyq suraqtar boıynsha:

Tel.: +7 (7172) 28 75 26, 28 75 31

E-mail: admission@n-k.kz