Tótenshe Jaǵdaılar vıse-mınıstri Baýyrjan Syzdyqov jazyq daladan tasqyn qaýpi tónedi dep kútpegenderin málimdedi. 

Baspasóz máslıhatynda jýrnalıser sheneýnikten TJM nelikten tasqynǵa daıyn bolmaı shyqqanyn suraǵan.

"11 óńirdiń 46 eldi mekeninde tasqynnyń aldy alyndy. Túsinip tursyz ba? Al sý basqan 5 oblysta sý ózennen emes jazyqtan kelip jatyr. Shynymyzdy aıtsaq, sý biz kútpegen jaqtan, daladan, keldi. Keıingi 30 jylda sý daladan kelgen joq bolatyn. Sondyqtan "sý tasqynǵa qarsy der kezinde den qoıdyq" dep aıta alamyz" — dedi ol. 

Vıse-mınıstrdiń pikirinshe, eshqandaı memleket jazyqtaǵy qar sýyn sý tasqynyna qarsy daıyndyq kezinde esepke almaıdy.

"Búgingi tańda qar sýy eshbir elde eskerilmeıdi. Ózenderden, sý qoımalarynan, bógenderden keletin sý ǵana eskeriledi. Osyny túsiný kerek", — dedi ol.