Qazaqstan musylmandary dinı basqarmasy qyzmetkerleri sý tasqynynan zardap shekken Qostanaı oblysyna arnaıy baryp, kómek kórsetkenin habarlady.
Oblysqa barǵan delegasıa quramynda QMDB "Zeket jáne qaıyrymdylyq" qorynyń dırektory Maqsatbek Maqsotuly, qordyń mamany Álı Myrzaqulov jáne Jastar isi sektorynyń meńgerýshisi Baǵyjan Kúzekbaı jáne t.b. qyzmetkerler bar.
"Olar áýeli Arqalyq qalasyndaǵy oblystyq jedel shtabqa bas suǵyp, jumysymen tanysty. Sodan soń, úı-jaıyn sý basqan turǵyndar kóshirilgen jataqhanaǵa baryp, qajetti turmystyq zattardy jetkizdi. Sonymen qatar, eriktilerge járdemdesý úshin Jangeldi aýdanyna at basyn buryp, rezińke etikter, arnaıy kıimder, kúrekter t.b. quraldardy tabystady" delingen múftıat habarlamasynda.
