Sý tasqyny Batys Qazaqstan oblysyna da jetti. Atyraý oblysynda Jem ózeni tasyp jatyr.  Qulsary qalasynda bir kópir buzylyp, ekinshisi jabylǵan.

Qazirgi ýaqytta Qulsary ishinde Jem ózeninen bastaý alatyn Qursaı ózegi arnasynan shyǵyp, qaladaǵy Jadyrasyn, Aeroport yqsham aýdandaryn sý basqan. Buǵan deıin Qulsary turǵyndary sý tasqynynyń aldyn almaq bolyp, topyraq úıip daıyndalǵan. Alaıda bul tasqyn sýdy toqtata almady. 

Jylyoı aýdany ákimdigi Qulsary qalasyndaǵy mektepterde turǵyndarǵa evakýasıa ortalyǵy ashylǵanyn habarlady. 

Sonymen qatar, Batys Qazaqstanda Elek ózeni arnasynan asyp, ózen mańyndaǵy eldimekenderdiń turǵyndary evakýasıalanǵan. Dmıtrovo jáne Qarashyǵanaq aýyldarynan 25 adam qaýipsiz jerge kóshirilgen.