AEK alǵan 58 myńnan astam otbasy kedeılik jaǵdaıynan shyqty.

2023 jyly jáne 2024 jyldyń birinshi toqsanynda ataýly áleýmettik kómek alǵan 58 myń 445 otbasy memlekettik qoldaý sharalarynyń arqasynda kedeılik jaǵdaıynan shyǵyp otyr. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

2023 jyly jalpy kólemi 59,4 mlrd teńgege 114,1 myń otbasy (598,4 myń adam), 2024 jyldyń úsh aıynda 7,8 mlrd teńgege 58,8 myń otbasy (312 myń adam) AÁK aldy.

Ótken jyldyń qorytyndysy boıynsha óńirlik bóliniste AÁK alýshylardyń eń kóp sany Túrkistan oblysynda – 27 myń otbasy (23,7%), Shymkent qalasynda – 12,7 myń otbasy (11,2%), Almaty oblysynda – 9,5 myń otbasy (8,3%), Qyzylorda oblysynda – 9,4 myń otbasy (8,2%) tirkeldi.

AÁK alýshylardyń eń az sany Ulytaý – 538 otbasy (0,5%), Atyraý – 1,1 myń otbasy (0,9%), Soltústik Qazaqstan oblystarynda – 1,6 myń otbasy (1,4%) baıqalyp otyr.

• AÁK alýshylardyń qurylymynda basym kópshiligi balalardyń úlesine keledi – 65,4% nemese 391,2 myń adam;
• jumys isteıtin azamattar – 15,1% nemese 90,6 myń adam;
• balalardy, qarttardy jáne múgedektigi bar adamdardy kútetin adamdar – 12,4% nemese 74,2 myń adam;
• qalǵan 7,1%-y azamattardyń basqa sanattaryna jatady.