Oblys boıynsha TJM, İİM,JAO, UQK SHQ jáne basqa da uıymdardyń qyzmetkerleri qatarynan barlyǵy 2237 adam, 390 birlik tehnıka, 142 birlik motopompalar, 29 birlik júzý quraldary jáne 3 birlik áýe kemesi kúshteri men quraldary jumyldyryldy.
Sý tasqyny kezeńinde shamamen 771 822 myń m3 sý, táýligine – 13860 myń m3 sý soryldy. 72,799 myńnan astam qap salynǵan. Inertti materıaldar tógildi: 7205 tonna.
7487 adam qutqaryldy jáne evakýasıalandy, onyń ishinde 11 múmkindigi shekteýli adam jáne 1239 bala. Ýaqytsha ornalastyrý pýnktterinde 943 adam, onyń ishinde 322 bala bar.
Erigen sýdy sorý, qapshyqtardy tóseý jumystary 9 óńirde jalǵasýda (Jangeldın, Arqalyq, Meńdiqara, Fedorov, Denısov, Qarabalyq, Qarasý, Qostanaı, Áýlıekól, B.Maılın, Qamysty aýdandary, Arqalyq, Qostanaı jáne Rýdnyı qalalary).
Sý tasqynyna qarsy is-sharalarǵa táýlik boıy derlik kómek kórsetetin, komýnaldyq qyzmetterdiń, memlekettik jáne quqyq qorǵaý organdarynyń kezekshi qyzmetkerlerin ystyq tamaqpen jáne shaımen qamtamasyz etetin eriktiler, beı-jaı qaramaıtyn azamattar úlken kómek kórsetedi.
Sý tasqyny jaǵdaıynyń monıtorıńi boıynsha jumystar jalǵasýda. Jaǵdaı baqylaýda.
Pikir qaldyrý