"Mektep, aýrýhana, balabaqsha, kolej sıaqty búdjettik mekemelerdiń dırektorlaryna júz myńdaǵan aıyppul salý problemasy ýshyǵyp barady. Keıin sol 500-600 myń aıyppuldy dırektor qalaı jáne kimnen jınaıtyny aıtpasa da túsinikti", - dep jazdy ol áleýmettik jelide.

Onyń pikirinshe, dırektorlardy mekteptiń úsh aýysymdy bolǵany nemese qural-jabdyqtary men zerthanalary jetkilikti deńgeıde bolmaǵany úshin aıyppul tóleýge májbúrleý – ádiletsiz.

"Óıtkeni eger mektep úsh aýysymdy bolsa, bul dırektordyń kinásy emes, ákimshiliktiń kemshiligi. Buǵan qosa, memleket tarapynan mektepterdiń jetkiliksiz qarjylandyrylýy da osy máselelerge ákeledi", - deıdi Aımaǵambetov.

Ol quzyretine jatpaıtyn, ıaǵnı tikeleı áser ete almaıtyn máseleler úshin aıyppul salýdy toqtatý qajet dep sanaıdy.

Sondaı-aq depýtat  dárigerlerdi óz mamandyǵynan tys jumystarǵa tartqany, qajetsiz esepterdi talap etkeni úshin jaýaptylyqqa tartý quzyretin polısıadan alyp, densaýlyq saqtaý mınıstrliginiń komıtetine berýdi usyndy.

Aıtýynsha, depýtattar tıisti túzetýlerdi bergen.