Ónerkásip jáne qurylys mınıstri Qanat Bısembaıuly 20 mınýt baıandama jasadyńyz, bir saǵat jaýap berdińiz. Ónerkásip jáne qurylys mınıstriniń aýzynan aýyl sharýashylyǵynda osyndaı jasap jatyrmyz degen bir sóz shyqpady. Jalpy mınıstrge jáne qatysyp otyrǵan basqa Úkimet múshelerine aıtarym, eger sizder Qazaqstandy agrarly el retinde moıyndamaıtyn bolsańyzdar, onda Qazaqstannyń bolashaǵy bolmaıdy. Onda búgin sizder aıtyp otyrǵan «ana jerde zaýyt salamyn», «myna jerde mashına salamyn» degenniń bári bos sóz. 20 mıllıon halyq tamaq jeıdi. Otyrǵan barlyq mınıstr, barlyq sheneýnik, búkil qazaqstandyq tamaq jeıdi, – dedi Jıgýlı Daırabaev.

Sondaı-aq ol aýyldardyń azaıyp bara jatqanyn da qosty. Iaǵnı, ol "Aýyldy tozdyryp bitirdik. 6295 qana aýyl qaldy, optımızasıa, aqsha kerek dep 1,5 myń aýyldyń barlyǵynyń kúl-talqanyn shyǵardyq" deıdi.       

«Eń áýeli adamı faktor birinshi orynda turý kerek, aqsha emes. Sharlapaev myrza másele solaı. Aýyl sharýashylyǵy jóninen Prezıdent tapsyrma qoıdy. 2,5 paıyzǵa aýyldaǵy eńbek ónimdiligin arttyrý kerek dedi. Ónimdilikti qaıtip óndiremiz? Kúrekpen, baltamen, aıyrmen júrip, jumys isteımiz be? Jan jaqqa qaraıyq ta. Máselen, Qazaqstanda ártúrli irili-usaqty aýyl sharýashylyǵynyń zattaryn qurastyratyn, jınaıtyn, lokalızasıa jasaıtyn 18 zaýyt bar. Sol zaýyttarda qazaqstandyq jastar jumys isteıdi. Sol zaýyttyń barlyǵyn aralap kórdim. Biz lızıń degen áńgime aıttyq, Prezıdent 2022 jyly Úkimetke tapsyrma berdi. Odan beri bıyl úshinshi jyl ótip jatyr. Bıyl Prezıdent Úkimettiń keńeıtilgen májilisinde Qazaqstannyń JİÓ-in 2029 jylǵa qaraı 450 mlrd dollarǵa jetkizý jetkizý kerek dedi. Sáýir aıynyń basynda premer-mınıstr Bektenov myrza 1 mamyrǵa deıin 100 mlrd teńge aqsha bólińder dedi. Búgingi kúnge deıin kók tıyn aqsha bólingen joq. Sonda Úkimetten ne kútýge bolady? Elge Úkimet mynandaı sheshim qabyldaıdy deıdi, sizder oryndamaısyzdar. Sizder Memleket basshysyn halyqtyń aldynda jaman kórsetip jatsyzdar», – deıdi depýtat.