2023 jyldyń maýsymynda "Semeı ormany" rezervatynda bolǵan órtke eki adam kináli dep tanyldy. Olar 7 jylǵa bas bostandyǵynan aıyryldy. Bul týraly Abaı oblystyq sotynyń baspasóz qyzmeti habarlady.
"Sottalýshylardyń ekeýinde de jas balalardyń bolýy jáne aýyrlatatyn mán-jaılardyń bolmaýy túrindegi jeńildetetin mán-jaılardy eskere otyryp, sot V. jáne K. atty azamattardy kináli dep taýyp, árqaısysyna 7 jyl bas bostandyǵynan aıyrý jazasyn taǵaıyndady",– delingen habarlamada.
Aıyptalýshylarǵa abaısyzda 14 adamnyń ómirin qıdy degen aıyp taǵyldy. Sot úkimi zańdy kúshine engen joq.
Pikir qaldyrý