Bıyl 5-8, 10-synyp oqýshylary tuńǵysh ret "Qazaq tilinen" emtıhan tapsyrady. Emtıhan ýaqyty 27-31 mamyr aralyǵyna belgilengen. Degenmen, emtıhannyń naqty ýaqytyn ár mektep ózinshe belgileýge quqyly. 
Qazaq tilinen emtıhan jazbasha jáne aýyzsha formatta ótedi jáne úsh saǵatqa sozylady. Jazbasha emtıhanda oqýshylarǵa esse jazýǵa tapsyrma berilse, aýyzsha emtıhanda oqýshynyń sóıleý, tyńdaý jáne oqý qabiletteri tekseriledi. 
Oqý-aǵartý mınıstrliginiń túsindirýinshe, emtıhan oqýshylar ár toqsan saıyn tapsyratyn baǵalaý jıyntyǵyna óte uqsas keledi. Al tapsyrmalardy ár mekteptiń muǵalimderi ózderi ázirlep, emtıhandy da ózderi qabyldaıdy. 
Bıyl atalǵan emtıhannyń tuńǵysh ret ótkizilýine baılanysty, oqýshylardyń qorytyndy baǵasy emtıhannyń nátıjesine (30 paıyz) jáne oqýshynyń jyldyq úlgerimine (70 paıyz) qaraı qoıylady.