Jalpyulttyq sosıal demokratıalyq partıasynyń májilistegi bir top ókili vıse-premer Tamara Dúısenovaǵa eldegi kúnkóris deńgeıin 115 myń teńgege deıin kóterýdi surap, depýtattyq saýal joldady.

Respýblıka boıynsha baǵaǵa monıtorıń júrgizgen partıa ókilderi statısıka organdarynyń durys málimet bermeı otyrǵanyn málimdedi. Olardyń aıtýynsha, azyq-túlik ónimderiniń eń az jıyntyǵynyń 2175 kkal táýliktik energetıkalyq qundylyǵyn qamtamasyz etetin 43 túrli azyq-túlik ónimderiniń sebeti normaǵa saı kelmeıdi.

"Azyq-túlik qorjynyna 2175 kkal táýliktik qýat beretin azyq-túlik ónimderiniń 43 túri engizilgen. Biz bul sandy sapasy jaǵynan óte az, halyqaralyq standarttarǵa, sondaı-aq qazaqstandyqtardyń mádenı jáne dástúrli tamaqtanýyna sáıkes kelmeıdi, olardyń densaýlyǵyna qaýip tóndiredi dep sanaımyz”, – delingen depýtattyq saýalda. 

Depýtattar eldegi kúnkóris mınımýmyn 115 710 teńgege deıin kóterýdi surady. Sebebi bıyl mamyr aıynyń basynda respýblıka boıynsha azyq-túliktiń ortasha mólsheri olardyń esepteýi boıynsha 63 641 teńge bolǵan.

Sonymen qatar depýtattar osy máseleni egjeı-tegjeıli saralaıtyn arnaıy jumys tobyn qurýdy usyndy.

"Joǵaryda aıtqanymyzdaı, memleketti áleýmettik qorǵaýǵa jańa kózqaras qajet. Sondyqtan biz partıa mamandarynyń qatysýymen halyqaralyq standarttar men ulttyq mádenı qajettilikterge jaýap bere alatyn azyq-túlik qorjynyn ázirleýge arnaıy jumys tobyn qurýdy usynamyz", – delingen Asqat Rahymjanov, Nurlan Áýesbaev, Ajar Saǵyndyqova, Naýryz Saılaýbaı joldaǵan depýtattyq saýalda.

Aıta ketsek, Qazaqstanda osy jyldyń sáýir aıynda eń tómengi kúnkóris deńgeıi aıyna 48 897 teńgeni quraǵan.