Alǵash 2019 jyly bastalǵan gýmanıtarlyq operasıa nátıjesinde elge 750-den astam otandasymyz oralǵan. Mundaı bastama Ortalyq Azıanyń ózge de memleketterinde júzege asyryldy. Aıtalyq Ózbekstan lańkestik oty sharpyǵan aımaqtan 531, Qyrǵyzstan 511 jáne Tájikstan 381 azamatyn qaýipsiz jerge kóshirgen.

Bul jaıt Tashkentte bas qosqan sarapshylar men Biriken Ulttar uıymy ókilderi tarapynan erekshe atap ótildi. Oralǵandardy ońaltý jónindegi óńirlik keńestiń alǵashqy otyrysyna úkimettik organ jetekshileri de qatysty.

Elimiz atynan Mádenıet jáne aqparat vıse-mınıstri Qanat Ysqaqov sóz sóılep, halyqaralyq uıymdarmen birlese júrgizilgen «Jýsan» operasıasynyń mańyzyna toqtaldy. Gýmanıtarlyq is aıasynda Qazaqstanǵa 180 áıel, 500-den astam bala jáne 37 er adam qaıtaryldy. Jetim qalǵan 34 bala ata-ájesimen qaýyshty. Áıelder men balalardy ońaltý, azamattyǵyn qalpyna keltirý jáne quqyqtyq kómek alý máseleleri tolyq sheshimin tapqan.