Ǵalym toı jasaýǵa tyıym salý qazaqtyń bolmysyn kúıretedi, másele sol toıdy qalaı jasaýda bolyp turǵanyn atap ótip, búginde kásip jasaýǵa mashyqtaný anaǵurlym ózekti bolyp turǵanyn jetkizdi.

“Qytaıda, Túrıkáda toı jasamaıdy, óıtkeni olar kúni-túni kásipte. Olar tek úılený toı sıaqty mańyzdylaryn ǵana jasaıdy. Al qoly bos, kásibi joq halyq toı toılaıdy, kásibi bar qazaq ózi de toıdan bas tarta bastaıdy. Óıtkeni kásibi joq, maqsaty joq adam, toıǵa aınalady. Bul sharasyzdyqtan týǵan, 20-30 jylda ulttyń deńgeıin kótere almaı, kásipqoılyqqa aınaldyra almaǵannyń kórinisi. Qazirgi kezde kásipti birinshi orynǵa qoıýymyz kerek, – dedi ǵalym Qazaq Airan arnasyna bergen suhbatynda.

Omar Jálel toıdyń kóptigi adamdy týystyq qatynastarmen qınaıtynyn, uıat degen sezimmen qınaıtynyn aıtady. "Kásiptiń eń úlkeni – ǵylym" degen ol qazaqtyń kórnekti ǵalymy, akademık Qanysh Sátbaev "ýaqytym ketedi, artyq tamaq iship qoıamyn, asqazanym, rejımim buzylady, ǵylymyma zıany tıedi" dep toıǵa barmaǵanyn jetkizdi.