Iaǵnı, eki el sırek kezdesetin mıneraldardy birge ıgerýdi josparlap otyr. Sıfrlyq tehnologıalar men jasandy ıntellekt baǵytynda da jumyla atqaratyn jumys kóp. Odan bólek, aspan asty eliniń ınvestorlary Qazaqstanda elektromobılder qurastyrýdy usyndy. Bizdiń tarap kórshilerdiń bul usynysyn qabyl aldy. Bıyl Qytaıda Qazaqstan týrızmi jyly. Sondyqtan eki el arasyndaǵy mádenı-rýhanı baılanysqa da úlken kóńil bólinedi.

Murat Nurtileý, QR Premer-Mınıstriniń orynbasary – Syrtqy ister mınıstri:

Bıyl Astanada Beıjiń til jáne mádenıet ýnıversıtetiniń fılıalyn ashýdy josparlap otyrmyz. Sonymen qatar Qytaıdyń ozyq tehnologıalyq ýnıversıtetteriniń fılıaldaryn ashýǵa da qyzyǵýshylyq bar. Qazaqstan men Qytaıdyń strategılyq áriptestiginiń órisin keńeıtý bizdiń ortaq maqsatymyz.

Van I, QHR Memlekettik keńesiniń múshesi – syrtqy ister mınıstri:

Qazaqstan Qytaıdyń senimdi seriktesi. Eki el arasyndaǵy qarym-qatynas sońǵy jyldary qarqyndy damyp keledi. Máselen, ótken jyldyń qorytyndysy boıynsha memleketterimiz arasyndaǵy saýda aınalymy rekordtyq kórsetkishke jetip, 40 mlrd AQSH dollarynan asty. Aldaǵy jyldary bul kórsetkishti birneshe esege arttyrýdy kózdep otyrmyz.