Reseıdiń Ońtústik áskerı okrýginde ıadrolyq qarý daıyndaý men qoldaný boıynsha tájirıbelik synaqtar bastaldy. Reseı qorǵanys mınıstrligi jattyǵýlar Reseıdiń aýmaqtyq tutastyǵy men egemendigin qamtamasyz etýge baǵyttalǵanyn habarlady. 

Áskerıler "Iskander" jedel-taktıkalyq zymyran júıesine arnaıy oq-dáriler alý boıynsha jaýyngerlik daıyndyq tapsyrmalaryn oryndap, zymyran ushyrýǵa daıyndyq júrgizilip jatyr.

"Jattyǵýǵa qatysqan Reseı aeroǵarysh kúshteriniń avıasıalyq bólimsheleriniń jeke quramy arnaıy jaýyngerlik avıasıalyq qarý-jaraq bólimshelerimen, sonyń ishinde "Kınjal" aeroballıstıkalyq gıper dybystyq zymyrandarymen jaraqtandyrýǵa mashyqtandy jáne arnaıy patrúldik aýmaqtarǵa ushyp kórdi", – delingen vedomstvo habarlamasynda.