Úndistannyń mototehnıka shyǵarýmen aınalysatyn Bajaj kompanıasy álemdegi eń arzan kólik quralyn tanystyrdy, - dep habarlaıdy «Qamshy» aqparattyq portaly 24.kz ke silteme jasap.  

Bajaj Qute qozǵaltqyshynyń kólemi nebári 217 kýb santımetr. Eń arzan kóliktiń baǵasy 2 myń AQSH dollary turady. Tehnıkalyq sıpattamaǵa kelsek, Bajaj Qute  qýaty 13 at kúshin quraıtyn qozǵaltqyshpen, 5 satyly berilis korobkasymen jaraqtalǵan. Onyń eń kóp jyldamdyǵy saǵatyna 70 shaqyrymdy quraıdy. Endi eń arzan kólik Latyn Amerıkasy men Afrıkanyń 16 elinde saýdaǵa shyǵarylady. Bir qyzyǵy, Úndistan turǵyndarynyń ózi Bajaj Qute kóligin satyp ala almaıdy. Sebebi temir tulpar eldiń qaýipsizdik jáne ekologıalyq talaptaryna saı kelmeıdi. Sondaı-aq Bajaj Qute munda kvadrosıkl retinde tirkelgen.

 «Qamshy» silteıdi