Qaırat Boranbaev memleketke 134,5 mlrd teńge qaıtarǵan. Qarjy monıtonıg agenttigi bul somanyń taǵy da ósýi múmkin ekenin aıtty.
"Negizgi qylmystyq ister boıynsha 14,5 mlrd teńge kóleminde zalal óteldi. Onyń ishinde 120 mlrd teńge kóleminde zalaldy óz erkimen ótedi. Qylmystyq is áli toqtatylǵan joq. Tergeý júrip jatyr. Memleket shyǵynyn óz erkimen ótegeni úshin onyń bas bostandyǵynan aıyrý jazasy, bas bostyndyǵyn shekteý jazasyna aýystyryldy", - dedi Qarjylyq monıtorıń agenttigi tóraǵasynyń orynbasary Jeńis Elemesov.
Qazir Boranbaevtyń tergeý jumystary búdjet qarajatyn urlaý jáne salyq tóleýden jaltardy degen kúdikpen júrgizilip jatyr.
Aıta keteıik, Qaırat Boranbaev 2022 jyly "kvazımemlekettik sektordan iri kólemde aqsha jymqyrdy" degen kúdikke ilingen. Oǵan QazaqGaz ulttyq kompanıanyń gazyn satý boıynsha kelisimnen túsken 14,6 mlrd teńge qarajatty jymqyrdy degen aıyp taǵylǵan. Boranbaevty tergeý kezinde quny 1,4 mıllıard teńgeden asatyn "Comfort Hotel Astana" qonaqúı kesheni memleket menshigine ótken bolatyn.
Pikir qaldyrý