Norvegıa, Ispanıa koróldikteri men Irlandıa Respýblıkasy Palestına memleketiniń táýelsizdigin moıyndaıtyn qujatqa qol qoıdy. Qujat 28 mamyrda zańdy kúshine enedi. 

"Norvegıa úkimeti Palestınany jeke memleket retinde tanıdy. On myńdaǵan adam qaza tapqan soǵys jaǵdaıynda biz ızraıldikterge de, palestınalyqtarǵa da beıbitshilik pen qaýipsizdikte ómir súrýdi ǵana usynamyz", - dedi premer-mınıstr Ionas Gar Stere. 

Mınıstrler kabıneti bul sheshimin "Norvegıanyń Taıaý Shyǵystaǵy qaqtyǵysty sheshýge tek eki memleket qurý arqyly qol jetkizýge bolatyny týraly burynnan kele jatqan ustanymyn kórsetedi" dep túsindirdi. Olardyń pikirinshe, ızraıldikter de, palestınalyqtar da óz memleketterinde beıbit ómir súrýge quqyly.

Irlandıanyń Úkimet basshysy Saımon Harrıs Palestınanyń azattyq úshin kúresin qoldasa, Ispanıa premer-mınıstri Pedro Sanches óz eliniń "Eki memleket" qaǵıdasyn ustanatynyn aıtty.

Osy oqıǵadan keıin Izraıl memleketi osy elderdegi elshilerin shaqyrtqan.