4 mamyr kúni Astanada polıseıler "Toıota" kóligin tekserý barysynda júrgizýshiniń kólik quralyn basqarýǵa ruqsaty joq jáne kólikti mas kúıinde basqarǵany anyqtalǵan.

Artynsha júrgizýshi polısıa maıory, Aqmola oblysynyń uıymdasqan qylmysqa qarsy kúres basqarmasynyń qyzmetkeri Qanat Janaev ekeni belgili bolǵan.

Sot prosesinde Janaev kinásin moıyndap, júrgizýshi kýáliginiń merzimi ótip ketkenin, al jańasyn rásimdeýge úlgermegenin aıtqan.

Sýdıa ony kináli dep taýyp, biraq quqyq buzýshy quqyq qorǵaý organynynyń qyzmetkeri bolǵandyqtan, ony ákimshilik qamaýǵa almaǵan. Tek qyzmetinen bosatqan.

"Janaev Qanat qyzmettik tergeý nátıjesi boıynsha teris kórsetkishterimen polısıa departamentinen (ishki ister organy) bosatyldy", – dedi polısıa departamentiniń baspasóz qyzmetiniń jetekshisi Gúlnár Pınchýk.