Aqtóbede atys bolyp, bir adam aýrýhananyń jansaqtaý bóliminde qaza tapty. Atys 27-nen 28-ine qaraǵan túni bolǵan. Aqparatty oblys ákimdiginiń baspasóz qyzmeti rastady. 

28 mamyrda Aqtóbe qalasyndaǵy Jedel medısınalyq kómek aýrýhanasyna 18 ben 22 jas aralyǵyndaǵy 9 turǵyn jetkizilgen. Olar pyshaq jaraqatyn alyp,  aıaqtaryna oq tıgen.

2006 jyly týǵan azamat reanımasıada kóz jumǵan. Birneshe pyshaq jaraqatyn alǵan ol 30 mınýt boıy jansaqtaý bóliminde bolǵan.  Alaıda dárigerler naýqasty aman alyp qala almady. Al qalǵan  8 adam travmatologıa bólimine jetkizilgen. 

Jergilikti polısıa tóbeleske qatysqandardy anyqtap, qylmys jasady degen kúdikpen 4 adamdy ustady. Kúdiktiler ýaqytsha ustaý ızolátoryna qamaldy.