Epetition.kz platformasynda Qazaqstanda birtutas ýaqyt beldeýin joıý týraly petısıa paıda boldy. Qujat avtorlary elektr energıasyn kóp tutynýdyń saldarynan qarjylyq shyǵyndardyń artýy men densaýlyqqa aıtarlyqtaı zıan keltirilýine baılanysty buryńǵy ýaqyt beldeýine qaıta oralýdy talap etip otyr.

«Ómirlik mańyzdy elektr energıasyn tutynýdyń ortasha esepshoty 2024 jylǵy 1 sáýirdegi esep boıynsha shamamen 17 000 teńgeni qurady. Bolashaqqa boljam jasaıtyn bolsaq, ýaqyttyń ózgerýi bul shyǵyndardy aıtarlyqtaı arttyrady, ásirese kúzgi-qysqy kezeńde yńǵaısyz», delingen túsiniktemede.

Saýda jáne ıntegrasıa mınıstrligi zań boıynsha talap etiletin 50 myń daýys jınaǵan jaǵdaıda petısıany qaraýǵa ýáde berdi. Petısıa jarıalanǵan kúnnen bastap, dálirek aıtqanda 36 kún ishinde qujatqa 37 myń adam qol qoıyp úlgergen.