Sýrette er adamnyń kózin bireý qolymen kúshtep ashyp turǵanyn baıqaýǵa bolady. Biraq er adam osy qalpynda sáıkestendirýden sátti ótken.

Advokat Elena Ignatenkonyń aıtýynsha, mıkroqarjy uıymy onlaın nesıe bergen sýrettegi er adam ótken jyly kóz jumǵan. Onyń artynda áıeli men estý qabileti nashar qyzy qalǵan. Otbasy Petropavl qalasynyń shetinde eski jeke úıde turady. Eger olar kúıeýi men ákesinen qalǵan murany qabyldasa, kolektorlyq agenttikke 800 myń teńgege jýyq qaryzyn tóleýge májbúr bolady, bul olar úshin tym úlken soma.

Er adamǵa nesıe 2021 jyly  rásimdelgeni anyqtaldy. Nesıe onyń erkinen tys rásimdelgen. Er adam dosymen temirjol ótkelinde jumys istep júrgende, olarǵa bóten jigitter keledi. Ózderin reseılikter dep tanystyrǵan olar Qazaqstan azamattarynyń kómegimen sım-karta alǵylary keletinin aıtqan. Osy oqıǵadan keıin eki adamǵa da nesıe rásimdelgeni belgili bolǵan: bireýine 785 myń teńge, ekinshisine mıllıonǵa jýyq.

Ol qatty mas boldy ma, álde basqa jolmen be, áıteýir, qonaqtardyń biri onyń qabaǵyn kóterip, sýretke túsirip alǵan, bul fotosýrette anyq kórinedi. Degenmen, MQU adamnyń sýretine qanaǵattanyp, sýret bıometrıalyq sáıkestendirýden ótken. Bul fotosýret qylmystyq is boıynsha da, sotta da kórsetildi», – deıdi advokat.

Polısıa osy jaǵdaıǵa baılanysty 2022 jyly qylmystyq is qozǵaǵan, alaıda alaıaqtar tabylmady. Al kolektorlyq kompanıa óndirip alý úshin sotqa shaǵym túsirgen. Almaty aýdandyq soty atalǵan talap aryzdy qanaǵattandyrǵan.

Er adam kóz jumǵan soń 2023 jyldyń jeltoqsan aıynda apelásıalyq satydaǵy sot azamattyq is boıynsha is júrgizýdi «jaýapkerdiń» murageri anyqtalǵanǵa deıin toqtata turý týraly sheshim qabyldaǵan.