Osyǵan oraı, El Prezdenti Qasym-Jomart Toqaevtyń tapsyrmasy boıynsha respýblıkalyq Analar keńesi men onyń óńirlik bólimsheleri «Mádenıetti ana – Mádenıetti ult» jobasyn iske asyrýda.

Ondaǵy basty maqsat – otbasylyq qundylyqtardy, ulttyq dástúrlerdi saqtaý jáne óskeleń urpaqty tárbıeleý bolyp tabylady. Osy oraıda, Almaty oblysy «Qoǵamdyq kelisim» KMM jylda «Mádenıetti ana – mádenıetti ult!» jobasy aıasynda «Baqytty ana – baqytty bala» taqyrybynda áıelderdiń jeke damýy men rýhanı ósýi boıynsha konferensıa ótkizip turady. Ondaǵy basty maqsat – qoǵamdaǵy áıel men ananyń róli, otbasy qundylyqtary, otbasy ınstıtýtynyń mańyzdylyǵy, sondaı-aq jastar men bolashaq urpaqty rýhanı-adamgershilik pen patrıottyq tárbıeleýdegi ata-ananyń rólin arttyra otyryp, Almaty jáne Jetisý oblystary Analar keńesteriniń jobany júzege asyrýda ózderiniń ozyq tájirıbelerimen bólisý bolyp tabylady.

Sonymen qatar osy joba aıasynda óńirdegi aýdandar boıynsha «Aıaly alaqan, meıirimdi júrek» atty aýdandyq analar forýmyn jıi ótkizedi. Jıynda aldymen óńirden shyqqan ár salada jetistikke jetken analardyń ómirbaıandary tanystyrylyp, oblysqa eńbegi sińgen birqatar analar men ájelerge arnaıy alǵysqat tabystalady. 

Odan bólek, jıynda bolashaq urpaq tárbıesi jaıynda áńgime órbitilip turady. Sonyń ishinde jastar men jasóspirimder arasyndaǵy elektrondy temeki týraly áńgime de qozǵalyp, bolashaq urpaqtyń erteńgi kúni jaman aýrýǵa shaldyǵýynyń aldyn alady.

Almaty oblysynda sondaı-aq aldaǵy kele jatqan «Balalardy qorǵaý» merekesine oraı, Qazaqstan halqy Assambleıasynyń hatshylyǵy ázirlegen jáne bekitken "Mádenıetti ana- mádenıetti ult" respýblıkalyq jobasyn iske asyrý jónindegi Jol kartasyn júzege asyrýda "Meniń otbasym-meniń otbasym" otbasy ınstıtýtynyń nyǵaıtýǵa arnalǵan bilim berý mekemelerinde jas otbasylary men jas analarǵa arnaıy sharalar ótkizildi.

Taǵy bir aıta keterligi, «Almaty oblysy bilim basqarmasynyń Qonaev qalasy boıynsha bilim bólimi» memlekettik mekemesine qarasty «Aqózek aýylyndaǵy № 10 orta mektep MDSHO» KMM 1-synyp oqýshylary arasynda «Meniń otbasym – meniń tiregim» taqyrybynda synyp saǵaty ótkizildi. Ondaǵy maqsat – Otbasy tálim-tárbıeniń negizi ekenin uǵyndyrý, ata-ana men bala arasyndaǵy syılastyqty nyǵaıtý. Iaǵnı, urpaqtyń izimen júretin namysshyl, er minezdi, jigerli tulǵany damyta otyryp, óz  oılaryn ashyq aıtýǵa úıretý, jaýap berý qabiletterin damytý.

Mine, otbasy baqyty, ana men balany qorǵaýǵa qatysty Almaty oblysynda sanaly da sapaly bolashaqtyń ósýine yqpal etetin sharalar jalǵasyn taýyp keledi.