Almaty oblysyndaǵy halyqtyń ishki kóshi-qon kórsetkishi men tabıǵı ósimi belgili boldy. Bul týraly ulttyq statısıka búrosy habarlady.

2024 jylǵy 1 sáýirdegi jaǵdaı boıynsha oblys halqynyń sany 1537,9 myń adamdy qurady, sonyń ishinde qalalyqtar – 248,2 myń adamdy qurap 16,1%-dy kórsetse, aýyldyqtar sany 1289,7myń adam bolyp,  83,9 paıyzdy qurady.

"Oń kóshi-qonnyń aıyrmasy qalyptasty jáne 896 adamdy qurady (2023 jylǵy qańtar-naýryzda - 942 adam), onyń ishinde syrtqy kóshi-qonda 728 adam oń kóshi-qon aıyrmasy (719), ishki kóshi qonda oń kóshi-qonnyń aıyrmasy – -168 (223 adam)"-delingen resmı málimdemede. 

Sonymen qatar, halyqtyń tabıǵı ósimi de artqan. Tabıǵı ósim 2024 jylǵy qańtar men naýryz aıynyń aralyǵynda 5811 adamdy qurady. Bul kórsetkish ótken jyldyń sáıkes kezeńinde 5 637 adamdy quraǵan bolatyn.  Al 2024 jylǵy qańtar-naýryzda jańadan týylǵan sábıler aldyńǵy jylǵy sáıkes kezeńdegiden 2,0% ósse, shetinegender tirkelimi 0,5%-ǵa azaıǵan.

Aıta keteıik, halyqtyń tabıǵı ósimi belgili bir ýaqyt aralyǵynda týylǵan adamdar  men qaıtys bolǵan adamdar sany arasyndaǵy aıyrmasy arqyly esepteledi. Eger týylǵandardyń sany qaıtys bolǵandardyń sanynan asatyn bolsa, Halyqtyń tabıǵı ósimi oń kórsetkish kórsetedi.