Belgili aqyn Serikzat Dúısenǵazy Lev Gýmılev atyndaǵy Eýrazıa ulttyq ýnıversıteti Fılologıa fakúltetiniń dekany qyzmetine taǵaıyndaldy. 

"Serikzat Dúısenǵazy fılologıa fakúltetiniń dekany qyzmetine taǵaıyndaldy. Tájirıbeli maman 22 jyldan beri ENU qabyrǵasynda eńbek etip keledi", - delingen ýnıversıtettiń baspasóz qyzmeti habarlamasynda.

Serikzat Dúısenǵazy joǵary oqý ornyndaǵy eńbek jolyn 2002 jyly qazaq jáne shetel ádebıeti kafedrasynyń oqytýshysy bolyp bastaǵan. Ol keıin dosent, dekannyń orynbasary, kafedra meńgerýshisi qyzmetin atqardy.

Serikzat Dúısenǵazy buǵan deıin ENU "Teleradıo jáne qoǵammen baılanys" kafedrasynyń meńgerýshisi boldy.

Fılologıa ǵylymdarynyń kandıdaty 100-ge jýyq ǵylymı jáne ǵylymı-kópshilik eńbektiń, sondaı-aq Web of Science jáne Scopus derekter qoryndaǵy maqalalardyń avtory.

2005 jyldan beri ENU "Topjarǵan" jas aqyndar klýbynyń jetekshisi retinde stýdentterge tálim berip júr.