Elordalyq múgedek balalardyń analary úshin tegin medısınalyq tekserý júrgizildi, dep habarlaıdy Qamshy.kz aqparattyq agenttigi.

Balalardy qorǵaý kúnine oraı "Mamıno serdse" aksıasyn №6 qalalyq emhanada ótti. Sondaı aq atalǵan aksıany Amanat partıasynyń Áıelder qanaty uıymdastyrdy.

İs-shara aıasynda elordanyń ártúrli aýdandarynan múgedek balalary bar 60 áıelge emhana mamandary-terapevt, hırýrg, endokrınolog, ýrolog, stomatolog, oftalmolog, otorınolarıngolog, nevropatolog, kardıolog, onkolog-mammolog keńes berdi. Dárigerlerdiń taǵaıyndaýy boıynsha astanalyqtarǵa qalqansha jáne sút bezderiniń, ish qýysy músheleriniń EKG jáne ÝDZ júrgizildi.

«Erekshe balalar únemi erekshe kútim men nazardy qajet etedi. Osyǵan baılanysty erekshe balalardyń anasy óz densaýlyǵyna qaraý úshin ýaqyt taba almaı qalyp jatady. Sol sebepti bizdiń aksıa elordalyq áıelderdiń áleýmettik mańyzdy aýrýlaryn erte anyqtaýǵa zor úles qosady dep oılaımyn», - dedi №6 qalalyq emhananyń "Jas talap" jastar densaýlyq ortalyǵynyń jetekshisi Lúdvık MALINOVSKII.

Analar emhanada tekserilip jatqan kezde aýrýhananyń psıhologtary erekshe balalarǵa arnalǵan art-terapıa, usaq motorıkany jaqsartýǵa arnalǵan jattyǵýlar jáne túrli sabaqtar ótkizdi.

Aksıa konserttik baǵdarlamamen jáne jas qonaqtarǵa estelik syılyqtarmen aıaqtaldy.