"Sıfrlyq Qazaqstan" memlekettik baǵdarlamasyn iske asyrý barysynda 105 mln teńgeden astam qarajat jymqyrǵan sheneýnikter sottaldy. Bul týraly Qarjylyq monıtorıń agenttigi habarlady. 

Mádenıet jáne sport mınıstrligi muraǵat isteri jáne qujattama komıteti tóraǵasynyń orynbasary men IT-kompanıanyń dırektory memlekettik baǵdarlamaǵa bólingen aqshaǵa jyljymaly jáne jyljymaıtyn múlik satyp alǵan. 

Sottalýshylardan keltirilgen zalal somasyn óndirip, árqaısysyna 6,5 jylǵa bas bostandyǵynan aıyrý jazasy taǵaıyndalǵan. 

Sonymen qatar, burynǵy memlekettik qyzmetshi memlekettik nagradalary men memlekettik laýazymdardy atqarý quqyǵynan ómir boıyna aıyrylsa, merdiger kompanıanyń basshysy 7 jyl merzimge komersıalyq jáne komersıalyq emes uıymdarda basshylyq laýazymdardy atqarý quqyǵynan aıyrylǵan.

Úkim zańdy kúshine engen joq.