Almaty ICCA halyqaralyq kongrester men konferensıalar qaýymdastyǵynyń reıtıńine oralyp, kovıdke deıingi kórsetkishti jaqsartty. Bul týraly óńirlik komýnıkasıalar qyzmeti habarlady.

2023 jyly Almaty (ICCA) halyqaralyq kongrester men konferensıalar qaýymdastyǵynyń reıtıńinde 308-shi orynǵa ıe boldy. Salystyrý úshin, 2019 jyly kovıdke deıingi kezeńde Almaty 377-shi oryndy ıelengen.

Jyl saıyn ICCA ótkizilgen halyqaralyq kongrester men konferensıalar sany boıynsha qalalardyń reıtıńin jarıalaıdy. Bul reıtıń búkil álem boıynsha iskerlik is-sharalardy ótkizý úshin eń tanymal oryndar týraly aqparatty usynady.

Jahandyq reıtıńtiń kóshbasshysyna dástúrli túrde Parıj (156 kezdesý), Sıngapýr (152 kezdesý), Lıssabon (151 kezdesý), Vena (141 kezdesý) jáne Barselona (139 kezdesý) kirgen. Astana qalasy reıtıńte 332-orynda tur. Jalpy bir jyl ishinde elde 13 halyqaralyq iskerlik is-shara ótken. Bul rette sheteldik týrısiń ortasha chegi 1438 AQSH dollaryn qurady.

ICCA-ǵa múshelik Almatyda MICE-týrızmdi (iskerlik týrızmdi) damytýda sheshýshi ról atqarady. Bul qalaǵa týrısik uıymdarmen jańa seriktestik ornatýǵa, halyqaralyq is-sharalardy kóbirek tartýǵa jáne halyqaralyq arenada bedelin arttyrýǵa múmkindik beredi. ICCA-ǵa kirý – Almatynyń iskerlik týrızm ortalyǵy retindegi ustanymyn nyǵaıtý jáne onyń halyqaralyq iskerlik oqıǵalar úshin tartymdylyǵyn arttyrý jónindegi strategıanyń bir bóligi.

ICCA reıtıńi ótkizilgen is-sharalardyń sany men aýqymyna baılanysty jyl saıyn ózgerip otyrady. ICCA múshelerine 88 elden 950 qala kiredi jáne qaýymdastyq MICE ındýstrıasyndaǵy yntymaqtastyqty jáne damýdy qoldaıtyn mańyzdy derekter men zertteýlerdi usynady. Almatyda jylyna 20-ǵa deıin halyqaralyq iskerlik is-shara ótkizý josparlanyp otyr, bul MICE-týrızmniń álemdik reıtıńinde Qazaqstannyń pozısıasyn nyǵaıtýǵa kómektesedi, onda ol 80-shi orynda.