Jyl saıyn 15 mamyrda búkil álem jurtshylyǵy BUU bekitken halyqaralyq otbasylar kúnin atap ótedi. Otbasy – syılastyq pen meıirim, mahabbat pen qurmet ortasy. Otbasy qoǵam ózegi, rýhanı jáne mádenı dástúrlerdiń saqtaýshysy. Memlekettiń damýynda, qoǵamnyń qalyptasýynda otbasynyń, urpaq tárbıesiniń mańyzy zor. Sebebi memlket kishkentaı otbasylardan quralady. Otbasy kúniniń kapıtalıstik qoǵamda tirshilik qamytymen adam úshin shyn máninde mańyzdy bolatyn sol qundylyqtardy eske salýda atqarar róli zor. Bul kúnniń de ereksheligi osynda. Osyǵan oraı, "Azamattarǵa arnalǵan úkimet" arnaıy statısıka daıyndady.

Memlekettik korporasıanyń málimeti boıynsha Qazaqstanda 10 aıda 103 myńnan astam neke tirkegen, al 2024 jyldyń basynan beri 40 myń jańa otbasy quryldy. Neke sany boıynsha kósh bastap turǵan Almaty, Astana jáne Shymkent qalalary. Almaty oblysy boıynsha osy aralyqta 6413 (2024 jyldyń qańtar-sáýir aralyǵynda - 2602) neke tirkeldi.

Neke ınstıtýtyn nyǵaıtý memleket saıasatyna da oń áser beredi. Ult pen memlekettiń ózi otbasydan bastalady. Ǵylymı-tehnologıalardyń qaryshtap damýy arqyly qoǵam úlken ózgeristerge tap boldy. Aqparattyq shekaralar joıylǵan jańa ǵasyr jańa máselelerin de qosa ala keldi. Sıfrlyq tehnologıalar otbasylardyń ál-aýqaty men áleýmettik damýyna yqpal etedi. Alaıda qoǵam qalaı ózgerse de, otbasynyń mańyzy tómendemeýi tıis. 

Sonyń arqasynda 2023 jyldyń shildesinen bastap elimizdiń 328 myń  azamatynyń týýy tirkeldi. Almaty oblysynda 29725 balaǵa týý týraly kýálik rásimdelgen. Aımaq boıynsha 4 aıda 9305 bala dúnıe esigin ashqan. 

Esterińizge sala keteıik, 2023 jylǵy 1 shildede "Azamattarǵa arnalǵan úkimetke" azamattyq hal aktilerin tirkeý fýnksıalary berilgen bolatyn.