Aıyptalýshy Qanat Sádýov burynǵy áıeliniń ólimine qatysty kinásin moıyndamaı otyr. Mundaı málimdemeni ol 20 qazanda Astanadaǵy qylmystyq ister jónindegi aýdanaralyq sottyń zalynda aldyn-ala tyńdaý barysynda jasaǵan. Bul týraly «Qamshy» portaly «Astana» telearnasyna silteme jasaı otyryp habarlaıdy.

            Sádýovtyń qorǵaýshysy da aıyptalýshynyń esh kinási joq ekenin aıtady.

            Atalǵan oqıǵa ústimizdegi jyldyń 26 mamyrynda oryn alǵan. Astanadaǵy №25 mektepte jumys istegen áıelin Qanat Sádýov syrtqa shyǵaryp, ústine janarmaı quıyp órtep jibergen bolatyn. Denesiniń 70 paıyzyn kúıik shalǵan ustaz aýrýhanada bir aptadaı jatyp, aqyry esin jımastan kóz jumdy. Ony jer qoıynyna tapsyrýǵa kúıeýiniń birde-bir týysy kelmedi deıdi marqumnyń jaqyndary.

            Eske sala keteıik, Astananyń polıseıleri Qanat Sádýovti 14 qyrkúıekte ustaǵan bolatyn. Ol týystarynyń biriniń úıindegi jertólede jasyrynǵan jerinen tabylǵan.

            «Qamshy» silteıdi