Memlekettik nyshandarymyzdy qoldan kelgenshe qorlaý «dástúri» jalǵasýda. Týymyzdy qap qyldyq, kıiz úıdi kúl salǵysh ettik... Ánuran bir bólek áńgime. Úlken jarystarda kók baıraǵymyz kóteriletin sátte «Borattyń ánin» nemese burynǵy Ánuran oınalyp jatady. Ókpemizdi aıtyp tynamyz. Biraq óz elińniń Ánuranyn óziń qorlaý degen ne sumdyq? Nazarlaryńyzǵa myna bir vıdeony usynamyz.

            Memlekettik nyshandardyń qoldanylatyn orny, oryndaý tártibi zańdy túrde bekitilgen. Balanyń shalalyǵy deseke te, ustazdar ne istep otyr? Bul memlekettik  nyshanǵa ǵana emes zańǵa da túkirý degen sóz.

            Zań tili:

9-bap. Qazaqstan Respýblıkasynyń Memlekettik Gımnin oryndaý tártibi

1. Memlekettik Gımn kópshilik aldynda oryndalǵan kezde qatysýshylar ony ornynan turyp aıtady (tyńdaıdy), bul rette Qazaqstan Respýblıkasynyń azamattary oń qolyn júrek tusyna qoıady.

Qazaqstan Respýblıkasynyń memlekettik organdary men ózge de uıymdary shet memleketter aýmaǵynda is-sharalar ótkizgen kezde Memlekettik Gımn osy Konstıtýsıalyq zańǵa, sondaı-aq sol memlekettiń zańnamasy men protokoldyq praktıkasyna jáne jergilikti salt-dástúrge sáıkes oryndalady.

Qazaqstan Respýblıkasynyń Memlekettik Týyn saltanatty jaǵdaıda kóterý jáne tigý kezinde Memlekettik Gımn oryndalady, bul rette qatysýshylar júzderin Týǵa qaraı burady.

2. Memlekettik Gımndi orkestr, hor, orkestr men hor oryndaıdy ne ol ózge de vokaldyq jáne aspaptyq túrde oryndalady. Bul rette dybys jazý quraldary paıdalanylýy múmkin.

Qazaqstan Respýblıkasynyń Memlekettik Gımnin yqshamdap oryndaýǵa jol beriledi.