Kezdesýde taraptar energetıka salasyndaǵy birlesken jobany júzege asyrý máselelerin talqylady.

Elshi N.Muhametáliuly Qazaqstan 2060 jylǵa deıin kómirtegi beıtaraptyǵyna qol jetkizýdi, sondaı-aq 2030 jylǵa deıin jańartylatyn energıa kózderiniń úlesin 4 paıyzdan 15 paıyzǵa deıin arttyrýdy kózdep otyrǵanyna nazar aýdaryp, «Masdar» kompanıasynyń Qazaqstanda qýattylyǵy 1 GVt jel elektr stansasyn salý jónindegi jobanyń mańyzdylyǵyna toqtaldy, delingen habarlamada.

Óz kezeginde Muhammed ál-Ramahı Qazaqstannyń jasyl energetıkany damytý salasyndaǵy áleýeti zor ekenin jáne «Masdar» bul jobany sátti ári nátıjeli iske asyrýǵa múddeli ekenin atap ótti.

Kezdesýdiń qorytyndysy boıynsha taraptar atalǵan jobany iske asyrý baǵytynda birlesip jumys atqarý týraly ýaǵdalastyqqa qol jetkizdi.