Saýd Arabıasynyń Mekke qalasynda qajylyq kezinde aptap ystyqtan 500-den astam adam qaıtys boldy. Kóz jumǵandardyń 320-synyń Mysyrdan kelgeni anyqtaldy. Iordanıadan kelgen 60 adamnyń da ystyqtan demi úzildi. Naqty aıtqanda, 577 adam jan tapsyrdy degen derek bar. 

Saýd Arabıasynyń bıligi aptap ystyqtan 2 myńnan astam adamnyń aýrýhanaǵa jatqyzylǵanyn habarlady. Mysaly, 16 maýsymǵa deıin ystyqtan 2 myńǵa jýyq qajyǵa birinshi kezektegi medısınalyq kómek kórsetilip, olar dereý aýrýhanaǵa jetkizilgen. Kelesi kúni 17 maýsymda Mekkedegi Haram meshitinde aýa temperatýrasy 51,8 gradýsqa jetken.

Saýd Arabıasynda dinı rásimder ótkiziletin aımaqtarda aýa temperatýrasy 10 jyl saıyn 0,4 gradýsqa kóteriledi. Sol sebepti jergilikti atqarýshy organ dúnıejúziniń túkpir-túkpirinen qajylyqqa kelip, paryzyn óteıtin týrıserge aptap ystyqta qolshatyrlardy qoldanyp, kúnniń eń ystyq kezinde kún sáýlesinen qorǵanýǵa keńes beredi. Alaıda qajylar ashyq aspan astynda Arafat taýyna shyǵyp, duǵa etý sekildi rásimderdi jasaǵanda eskertýdi elemeıdi, – delingen habarlamada.

Bıyl Saýd Arabıasyna qajylyq paryzyn óteýge 1 mln 800 myń adam barǵan.