Pavlodar oblysy boıynsha ekonomıkalyq tergep-tekserý departamenti eń qaýipti ári kúdikti qarjylyq operasıalardy taldaı kelip, 30 qylmysty anyqtaǵan.

Bul zańbuzýshylyqtar boıynsha qylmystyq jaýapkershilik QR Qylmystyq kodeksiniń 216-babynda aıqyn kórsetilgen. Kelgen zalal 6 mıllıard teńgeden asqan.

Onyń 300 mıllıon teńgesi tergeý prosesi kezinde óteldi.

— Reseıde óndirilgen astyqty úlken kólemde elge ákelip, jalǵan shot-faktýra jasaý arqyly Taıaý Shyǵys elderine qazaqstandyq ónim retinde eksportqa shyǵaryp jatqandar anyqtaldy. Olar ónimdi kóbine Aýǵanstan, Iran, Tájikstan sıaqty memleketterge jiberedi. Bul bizdiń otandyq ekonomıkamyzǵa, óńirimizdiń sharýa qojalyqtaryna aıtarlyqtaı zıan keltirip otyr. Ózimizdiń ónimderimiz shetelge shyqpaı qalady nemese satylǵan kúnde de baǵasy tómendep ketedi. Sondyqtan da mundaı zańsyz is-áreketter bizdiń ulttyq ekonomıkamyzǵa úlken zalal keltiredi, — deıdi Pavlodar oblysy boıynsha ekonomıkalyq tergep-tekserý departamentiniń basshysy Erik Esenov.