FlyArystan qazaqstandyq loýkosteri óziniń áýe flotyn tolyqtyrý jumystaryn jalǵastyryp jatyr. Áýekompanıa syıymdylyǵy 188 jáne 180 oryndy quraıtyn Airbus A320 NEO jáne Airbus A320 CEO eki áýe laınerin ıelendi. 

"Jańa áýe laınerleriniń kelýi áýekompanıanyń ishki jáne halyqaralyq marshrýttar jelisin odan ári keńeıtýine yqpal ete otyryp, Qazaqstan ishinde jáne shet elderge áýe tasymaldaryn damytýǵa degen umtylysymyzdy kórsetedi. Osy jazda biz Bishkek, Baký jáne Ystambul qalalaryna halyqaralyq reısterdi qaıta iske qosyp, jıiligin arttyrdyq. Sondaı-aq, Qazaqstannyń barlyq óńirlerindegi suranysty qanaǵattandyrý úshin ishki naryqta keńeıýdi jalǵastyrýdamyz. İshki áýe qatynasy qarqyndylyǵynyń ósýi FlyArystan-nyń týrızmdi, bıznesti jáne áleýmettik ómirdi damytýǵa serpin beretin negizgi qundylyqtarynyń biri bolyp tabylady" - dep málemdedi FlyArystan prezıdentiniń mindetin atqarýshy Rıchard Ledjer. 

Dástúr boıynsha áýe kompanıasynyń jańa ushaqtarynyń ataýyn jolaýshylary tańdady. Olar "Antares" (Airbus A320 CEO) jáne "Kapela" (Airbus A320 NEO) juldyzdarynyń attaryn aldy.