Almaty qalasynyń mektep oqýshylary arasynda ótetin «Qasıettim – Jeltoqsan!» atty 1986 jylǵy Jeltoqsan oqıǵasynyń 29 jyldyǵyna arnalǵan jyr múshaırasyna shaqyramyz!
Baıqaýdy Almaty qalasy İshki saıasat basqarmasynyń qoldaýymen «Jeruıyq» qoǵamdyq birlestigi 2015 jyldyń 14 qyrkúıegi men 14 qarasha aralyǵynda uıymdastyrady. Jeńimpazdardy marapattaý Táýelsizdik kúni qarsańynda Almaty qalasynda ótedi.
BAIQAÝDYŃ MAQSATY:
- 1986 jylǵy Jeltoqsan oqıǵasynyń mánin, mazmunyn mektep oqýshylary arasynda nasıhattaý;
- «Máńgilik El» ıdeıasyna qol jetkizýdegi jas urpaqty otanshyldyq rýhta tárbıeleý;
- Urpaqtar sabaqtastyǵyn nyǵaıtý;
- Ulttyq tarıhymyzdyń azaly da asqaq kezeńderin eske ala otyryp, otandyq tarıhty jastar arasynda nasıhattaý;
- Elbasy N.Á.Nazarbaevtyń «Qazaqstan 2050» Strategıasynda kórsetilgen jańa qazaqstandyq patrıotızmdi arttyrý.
BAIQAÝDYŃ SHARTY:
Almaty qalasynyń kez kelgen mektep oqýshysy qatysa alady. Óleńderdiń ıdeıalyq mazmuny men kórkemdik sapasyna basa nazar aýdarylady.
JEŃİMPAZDARDY MARAPATTAÝ:
Úzdikterdi qazylar alqasy anyqtaıtyn bolady. Baıqaý jeńimpazdary taǵaıyndalǵan zattaı júldelermen jáne arnaıy dıplomdarmen marapattalady.
BAIQAÝǴA QATYSÝ:
Baıqaýǵa usynylatyn shyǵarmalar avtor týraly qysqasha derektermen (aty-jóni, ómirbaıany, meken-jaı, telefony) birge «Báıgege» degen belgimen: tolepbergen74@mail.ru - elektrondy poshtasyna jiberilýi tıis. Atalǵan elektrondy poshtaǵa óleńder (týyndylar 2-3 betten aspaýy kerek, Times New Roman – men, 14 shrıfte terilýi tıis) jiberilgennen bastap, konkýrsanttar baıqaýǵa qatysýshy retinde tirkeledi. Úzdik dep tanylǵan týyndylar baspasóz betinde jarıalanatyn bolady.
