Lada.kz basylymynyń dereginshe, Aqtaý qalasynyń Marıa esimdi turǵyny (aty oqyrmannyń ótinishi boıynsha ózgertilgen) kórgenin aıtyp bergen. 26 shildede keshke boıjetken jubaıymen birge kafeden úıge jaıaý qaıtyp kele jatqan. Hıdjab kıgen jáne qolynda avtomattary bar eki boıjetkendi kórgende qorqyp qalǵan.   

– Biz 5-shi shaǵyn aýdannan 4 shaǵyn aýdanǵa deıingi joldy kesip óttik. Tolyǵymen jabyq kıingen eki hanym júrip ótip, osy mashınalardy kózdeı bastady. Jubaıym olardy sýretke túsirip úlgerdi: kadrlarda bizben birge ótip bara jatqan adamdy qalaı nysanaǵa alǵanyn kórýge bolady. Olardyń áreketteri kúlkige ulasty. Shynymdy aıtsam, men kútpegen jerden qatty qorqyp qaldym, óıtkeni qoldarynda oıynshyq avtomat ekenin túsinbedim, - deıdi Marıa. Oıynshyq qarý ekenin túsingennen keıin ǵana Marıa tynyshtalǵan. Artynsha basylymdarda Aqtaýda nıkab kıip, «qarý» ustap, «ázildegen» qyzdardyń ata-analary jaýapqa tartylǵany týraly habarlandy. Belgili bolǵandaı, qyzdardyń biri - 15-te, biri 17 jasta eken. Olar kóshede vıdeo túsirmek bolǵan. Keıin ony jelige júktegen.