Habar arnasyndaǵy daýǵa aınalǵan "Biraq" tok-shoýynyń keıipkeri Gúlmıra Smaılova Astanadan úsh bólmeli páterge ıe boldy. Bul týraly jýrnalıs Rahym Oshaqbaev óziniń İnstagram paraqshasynda jarıalady.
Jýrnalıs jarıalaǵan vıdeodan alty balanyń anasy, turmystyq zorlyq-zombylyqtan zardap shekken Gúlmıra Smaıylovaǵa Astanadan úsh bólmeli páter berilip, onyń kózine jas alǵanyn kórýge bolady.
Áıel qol ushyn sozǵan qazaqstandyqtarǵa alǵys aıtty.
Baspanaǵa qarjy jınaý úshin ashylǵan qaıyrymdylyq sharasy 2-3 aptaǵa sozylyp, 500-den astam adam qatysqan. Bul – "Qorǵaý Astana" daǵdarys ortalyǵynyń 19 jyl jumysyndaǵy alǵashqy jaǵdaı.
Eske salsaq, 2024 jyldyń naýryz aıynda Gúlmıra Smaıylova "Habar" telearnasyndaǵy turmystyq zorlyq-zombylyq týraly "Biraq" tok-shoýyna qatysqan edi. Baǵdarlama ujymy Gúlmıranyń ruqsatynsyz tikeleı efırge keıipkerdiń burynǵy kúıeýin alyp kelip, tatýlasýǵa shaqyrǵan. Áıeldi uzaq jyldar boıy zorlyq-zombylyq kórgen burynǵy kúıeýimen tatýlastyrmaq bolǵan jýrnalıserdiń áreketi halyqtyń ashýyn týdyrdy. Keıinnen Mádenıet jáne aqparat mınıstrligi qoǵam narazylyǵynan soń "Biraq" tok-shoýynyń jabylatyn málimdedi.
Pikir qaldyrý