Prezıdent ókimimen Álibek Qýantyrov Syrtqy ister mınıstriniń orynbasary laýazymyna taǵaıyndaldy. Bul týraly Aqorda habarlady.
"Memleket basshysynyń ókimimen Álibek Sakenuly Qýantyrov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy"– delingen resmı habarlamada.
Buǵan deıin bul qyzmetti Nazıra Nurbaeva atqarǵan. Prezıdent jarlyǵymen Nurbaeva laýazymynan bosatyldy.
Aıta keteıik, Álibek Qýantyrov 2021-2022 jyldary ulttyq ekonomıka vıse-mınıstri qyzmetterin atqarǵan. Al 2022 jylǵy qańtardan 2024 jylǵy aqpanǵa deıin ulttyq ekonomıka mınıstri boldy. Bıyl sáýir aıynan bastap ol KazEnergy kompanıasynyń bas dırektory bolyp taǵaıyndalǵan.
Pikir qaldyrý