30 shildede «Taza Qazaqstan» respýblıkalyq aksıasy aıasynda Borodýlıha aýdany Borodýlıha aýylynda aýqymdy shara ótti. Nátıjesinde jergilikti turǵyndardyń demalys aımaǵy sanalatyn aýyl ortalyǵynda ornalasqan orman alqaby qoqystan tazartyldy.

Aksıaǵa aýdan ortalyǵynyń turǵyndary, stýdentter, jastar, «Jasyl el» jasaǵynyń sarbazdary qatysty.

Aksıa qorytyndysy boıynsha 20-dan astam qap qoqys jınaldy.

Rınat Qaıratov – «Jasyl el» jaýyngeri qatysýshylarmen birge orman aýmaǵyn tazartý boıynsha «Taza Qazaqstan» aksıasyna qatysqandyǵyn atap ótti.

- Biz, jastar, osyndaı ekologıalyq bastamalarǵa qosylýǵa árqashan daıynbyz, - dep bólisti ol.

Aksıaǵa qatysqan Borodýlıha aýylynyń turǵyny Tımýr Qojaǵul kóptegen aýyl turǵyndary tabıǵatta kóp ýaqytyn orman alqabynda ótkizetinin atap ótti. Osyǵan baılanysty ol aýdan turǵyndaryn «Taza Qazaqstan» aksıasyna belsendi qatysýǵa shaqyrdy.

«Kóptegen adamdardyń balalary bar, olar aınalasyndaǵy tártip pen tazalyqty kórip, úlkendermen birge tabıǵatqa qamqorlyq jasaýdy úırenýi mańyzdy», - deıdi Tımýr Qojaǵul.

Borodýlıha aýdanynda «Taza Qazaqstan» aksıasy bastalǵan ýaqyttan beri QTQ polıgonyna 40 000 tonna qoqys shyǵaryldy, 1 500 aǵash jáne 20 850 buta otyrǵyzyldy. 5 sý qoımasy da qoqystan tazartyldy.

Taǵy da respýblıkalyq aksıa Borodýlıha turǵyndaryn – qoǵamdyq oryndy taza ári ádemi etý ortaq maqsaty jolynda biriktirdi. Senbilik týǵan ólkege qamqorlyqtyń barshaǵa ortaq is ekenin kórsetti.

Aýdanda aksıa barysynda saıabaqtar men alańdardy abattandyrýǵa nazar aýdarylyp, 21 nysan aýmaǵy tazartyldy.

«Taza Qazaqstan» aksıasy ótkizile bastaǵannan beri senbilikterge barlyǵy 9 000-nan astam adam qatysty.