"Moped máselesi ýaıymǵa aınaldy" degen maqalany oqyp shyqtym. Sonda kórsetilgendeı bıyldyń ózinde mopedterdiń qatysýmen bolǵan apatta 27 adam qaza tapty. Masqara derek. Osy máseleni qalaı sheship jatyrmyz? – dep suraq qoıdy Premer-mınıstr Oljas Bektenov.

İshki ister mınıstri Erjan Sádenov mundaı problema baryn jasyrmady.

-Kóbine mopedti basqaratyn jasóspirimder men kýrerler. Qazirgi tańda zańnamalyq sharalardy qabyldap jatyrmyz. Birinshi - búkil mapodterdi tirkeý jumysyn júrgizý. Keıin memlekettik nómir beriledi. Iaǵnı moped júrgizý úshin kýálik kerek bolady. Qazir zań jobasy Senatta qaralyp jatyr, – Sadenov.

Vedomstovo basshysynyń dereginshe, osy ýaqytqa deıin 39 myń júrgizýshi anyqtalyp, jazaǵa tartylǵan.

-Onyń ishinde 202 azamat kámeletke tolmaǵandar. Olardyń ata-analary jaýapkershilikke tartyldy. Jol erejelerin óreskel buzǵan úshin arnaıy orynǵa 5 myńnan astam mopedter qamaldy, – dedi İİM basshysy.