Azamat Satybaldy Qazaqfılm AQ-nyń basshysy retindegi kelisim-sharty aıaqtalǵanyn, ony sozbaıtynyn málim etti. Bul týraly Informbúro saıty habarlady.

Ártis qazirgi ýaqytta Qytaıda abyroıly halyqaralyq kınojobaǵa qatysyp jatqanyn, bul - akterlik mánsabyndaǵy aıtýly oqıǵa ekenin jetkize kele, "Qazaqfılmmen" kelisim-sharty aıaqtalǵanyn, ony sozbaý týraly sheshim qabyldaǵanyn málim etti.

Azamat Satybaldy Qazaqfılm basshylyǵy qyzmetinde birneshe daýǵa tap bolǵan. Ol kınostýdıa aýmaǵyn Qytaı kólikterine jalǵa berip, komersıalyq maqsatta paıdalandy, qyzmetkerlerge jalaqy tólemedi degen shý shyǵyp, Ahmet Baıtursynuly týraly fılmde basty róldi ózi somdady dep synǵa ushyraǵan. Ártis kınostýdıo aýmaǵyn Qazaqfılm shyǵyndaryn jabý úshin jalǵa bergenin aıtsa, jalaqy talap etken qyzmetkerler kınostýdıodan emes, ulttyq kıno ortalyǵyn damytý ortalyǵynan qalamaqy ala almaı júrgenin jetkizgen. Al Ahmettiń róline baılanysty synǵa "ózim suranyp oınamadym, rejıser tańdaǵannan keıin kelistim" dep jaýap bergen.