Shymkent qalasynyń qylmystyq ister jónindegi aýdanaralyq soty "Túrkistan oblysy boıynsha dezınfeksıa ortalyǵy" SHJQ RMK fılıalynyń bas dırektory K. Tóregeldıevke jáne jeke kompanıanyń basshysy D. Ozyqbaevqa qatysty úkim shyǵardy. Bul týraly Antıkor málimdedi. 

"Tóregeldıev RMK-da júrgizilip jatqan aýdıtorlyq tekserý jónindegi máseleniń sheshimin oń jaqty etkeni úshin laýazymdy tulǵalarǵa para berý syltaýymen Ozyqbaevtyń 500 myń teńge somasyndaǵy aqshalaı qarajatyn alaıaqtyq jolmen ıemdengeni anyqtaldy. Tóregeldıev oryndalmaǵan jumystardyń aktilerine  qol qoıý arqyly memleketke 2,2 mln teńge somaǵa zalal keltirdi "- delingen resmı habarlamada. 

Tóregeldıevke 3 jyl bas bostandyǵynan aıyrylsa, Ozyqbaevqa 7,5 mln teńge kóleminde aıyppul taǵaıyndaldy. Sonymen qatar, aıyptalýshylar ómir boıyna memlekettik qyzmet atqarý quqyǵynan aıyryldy.

Úkim zańdy kúshine engen joq.