2024 jylǵy shilde aıynda aılyq ınflásıa deńgeıi 0,7% qurady. Maýsym aıynda bul kórsetkish 0,4% bolaǵan edi. Bir aıda elimizdegi aqyly qyzmetterdiń baǵasy 1,6%, azyq-túlikke jatpaıtyn taýarlar 0,7%, azyq-túlik taýarlary 0,2% ósken. Bul týraly Ulttyq statısıka búrosy málimdedi. 

Shildede uıaly baılanys baǵasy 11,5%, ınternet-baılanys qyzmeti 6,8%-ǵa ósti. Áýe kóliginiń qyzmeti 12,9%, keshendi demalysty uıymdastyrý qyzmeti 11,5%-ǵa qymbattady.

Al balondardaǵy suıytylǵan gaz baǵasy 5,3% ósti. Ydys-aıaq 1%, kıim men aıaq kıim 0,8% qymbattady. Dári-dármekter baǵasy 0,6% ósti.

Azyq-túlikten qyryqqabat baǵasy 16,8%, kartop – 7,5%, pıaz – 7,3% ósti. Temeki ónimderi – 3,8%, mıneraldy sý 1,6% ósti. Arzandaǵan taýarlardan: qyzanaq baǵasy 18,2%, tátti burysh – 11,2%, qyzylsha – 6,3%, qıar – 5,8%, sábiz 2,1% arzandady.

2024 jylǵy shildegi esep boıynsha jyldyq ınflásıa deńgeıi 8,6% qurady. Aqyly qyzmetterdiń baǵasy 14,5%, azyq-túlik emes taýarlarynyń baǵasy – 7,3%, azyq-túlik taýarlarynyń baǵasy 5,5% ósti.

2023 jylǵy shildesimen salystyrǵanda sý tarıfi 42,7%, sýyq sýǵa – 36,5%, ortalyq jylytýǵa – 33%, elektr energıasyna – 31%, ystyq sýǵa – 29,6%, qoqys shyǵarýǵa 25,1% ósti. Densaýlyq saqtaý qyzmetteri 11,4%, baılanys qyzmetteri 10,7% qymbattady. Asetılsalısıl qyshqylynyń baǵasy 59,4%, belsendirilgen kómirge – 32,1%, hılak fortege – 25,4%, parasetamolǵa 19,8% ósti. Banan – 29,9%, júzim – 26,6%, qıar – 23,5%, záıtún maıy 20,2% qymbattady. Al jyldyq mánde pıaz baǵasy 34,8%, qaraqumyq jarmasy – 22,1%, kúnbaǵys maıy – 20,8%, qyryqqabat 19% arzandady.