Saýda jáne ıntegrasıa vıse-mınıstri Qaırat Balyqbaev mınıstrliktiń aldyn ala sheshimin jarıalap, ýaqyt beldeýi burynǵy rejımge qaıtarýǵa negiz joq ekenin málimetti.

“Men aldyn ala sheshimdi aıtaıyn dep otyrmyn. Ýaqyt beldeýin burynǵy qalpyna qaıtarý týraly petısıa ókilderiniń ýájderin talqylaı kelip, ol talapty oryndaýdan bas tartý jóninde sheshim qabyldaýǵa bekinip otyrmyz. Men búgingi jıynnyń tóraǵasy retinde osy 1,5 aı ishinde sizder atqarǵan búkil jumystyń qorytyndysy boıynsha ótinim berýshiler keltirgen ýájderdiń eshbirin dáleldeıtin faktiler tabylǵan joq. Ýaqyt beldeýiniń ózgerýi azamattardyń densaýlyǵyna da, elektr qýatyn tutyný shyǵyndaryna da áser etken joq” dep keltiredi Qazaqparat vıse-mınıstrdiń sózderin.