Ulttyq qaýipsizdik komıteti polısıa men prokýratýramen birlesip Astana men Almatyda 3 iri esirtki zerthanasynyń áreketin joıǵanyn habarlady.
Atalǵan derekter boıynsha Qazaqstannyń 8 azamaty ustalyp, qamaýǵa alynǵan.
"Tintý barysynda 93 kg-nan astam sıntetıkalyq esirtki, krıstaldaný satysyndaǵy 70 lıtr mefedron, sondaı-aq 255 kg prekýrsor men zerthanalyq jabdyqtar alyndy. "Qara" naryqta tárkilengen esirtkiniń quny 2 mlrd teńgeden artyqty quraýy múmkin. Qylmystyq Kodekstiń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergeý júrgizilýde" delingen UQK baspasóz qyzmeti habarlamasynda.
Pikir qaldyrý