Ǵylym jáne joǵary bilim mınıstrligi 2024-2025 oqý jylyna jergilikti atqarýshy organdardan konkýrstyq negizde memlekettik bilim berý grantyna ótinishterdi qabyldaý bastalǵanyn habarlady.
Mınıstrlik málimetinshe, bıyl jergilikti atqarýshy organdar 2475 bilim berý grantyn bólgen.
"Atap ótetin bolsaq, 858 grantty elorda ákimdigi bólip otyr. Bul – ákimdikter arasyndaǵy eń úlken kórsetkish. Odan keıingi orynda Shyǵys Qazaqstan oblysy – 270 grant, Abaı oblysy – 200 grant, Mańǵystaý oblysy – 175 grant, Aqmola oblysy – 160 grant jáne Jetisý men Qyzylorda oblysy – 100 grant, qalǵan aımaqtar 100-den az grant bólgen" delingen mınıstrlik habarlamasynda.
Bilim berý grantyn taǵaıyndaý konkýrsyna qatysý úshin úmitker joǵary oqý oryndarynyń qabyldaý komısıasyna ótinish berý qajet.
Sondaı-aq JOO-ǵa;
- bilimi týraly qujat;
- UBT sertıfıkatyn;
- jeke basyn kýálandyratyn qujattyń kóshirmesin;
- jeńildik sanatyn rastaıtyn qujattardy (bar bolǵan jaǵdaıda) tapsyrady.
Qujattardy qabyldaý merzimi týraly aqparatty ákimdikterden, sondaı-aq joǵary oqý oryndarynyń qabyldaý komısıalarynan alýǵa bolady. Grant berý týraly sheshimdi ákimdik janynan qurylǵan arnaıy komısıa qabyldaıdy. Joǵary oqý oryndaryna qabyldaý 25 tamyzda aıaqtalady.
Pikir qaldyrý